- ఘనంగా ఇరిసెట్ 67వ వార్షి కోత్సవం
సికింద్రాబాద్, వెలుగు: రైల్వే సిగ్నలింగ్సాంకేతిక పరిజ్ఞానాన్ని మరింత మెరుగుపరచాల్సిన అవసరముందని ఐఐటీ మద్రాస్ ప్రొఫెసర్ డాక్టర్ రాధాకృష్ణ గంటి అన్నారు. ఇండియన్ రైల్వేస్ ఇనిస్టిట్యూట్ ఆఫ్ సిగ్నల్ ఇంజినీరింగ్ అండ్ టెలికమ్యూనికేషన్స్ (ఇరిసెట్) 67వ వార్షికోత్సవ వేడుకలు సికింద్రాబాద్ మెట్టుగూడలోని సంస్థ ఆవరణలో ఆదివారం ఘనంగా జరిగాయి. కార్యక్రమానికి ఆయన ముఖ్యఅతిథిగా హాజరై మాట్లాడారు.
సైన్స్ అండ్టెక్నాలజీలో వస్తున్న ఆధునిక పద్ధతులను వినియోగించి స్వదేశీ సాంకేతికతను అభివృద్ధి చేయడానికి కృషి చేయాలన్నారు. సంస్థ అవసరాలను తీర్చడానికి స్టార్టప్లతో కలిసి పని చేయాల్సిన అవసరాన్ని ఆయన నొక్కి చెప్పారు. ఈ సందర్భంగా ఇరిసెట్లో శిక్షణ పొందుతూ ప్రతిభ కనబర్చిన పలువురు అధికారులకు అవార్డులు, సర్టిఫికెట్లు అందజేశారు. కార్యక్రమంలో దక్షిణ మధ్య రైల్వే జనరల్ మేనేజర్ అరుణ్కమార్జైన్, ఇరిసెట్ డైరెక్టర్జనరల్శరద్ కుమార్ పాల్గొన్నారు. ఇరిసెట్ సావనీర్ను ఆవిష్కరించారు.
